ዘጠነኛው የበጎ ሰው ሽልማት የእጩዎች ጥቆማ የካቲት አንድ ይጀምራል

ለሀገርና ለህዝብ አርአያነት ያለው ታላቅ ተግባር ያከናወኑ ኢትዮጵያውያንን በየአመቱ ዕውቅና የሚሰጠው የበጎ ሰው ሽልማት የእጩዎች ጥቆማ የካቲት አንድ 2013 ዓ.ም እንደሚጀምር አዘጋጆች ዛሬ አዲስ አበባ ውስጥ በሰጡት መግለጫ ሰጥተዋል።
ለዘንድሮ አስር ዘርፎች የተመረጡ ሲሆን እነሱም; መምህረነት ፣ሳይንስ ( ህክምና ፣ቴክኖሎጂ ፣ምሕንድስና ፣ኬሚስትሪ ፣አርክቴክቸር ፣ወዘተ) ፣ኪነ ጥበብ ፣በጎ አድራጎት ፣ቢዝነስና ፈጠራ፣መንግስታዊ ተቋማት ሀላፊነት ፣ቅርስና ባህል ፣ማህበራዊ ጥናት ፣ሚዲያና ጋዜጠኝነትና ለሀገሪቱ እድገት በጎ ሰረ ያከናወኑ ዲያስፖራዎች ናቸው።

ለአንድ ወር በሚቆየውም የእጩዎች ጥቆማ በቫይበር ፣ቴሌግራም ፣ኋትስአፕን ለሚሰጡ ሰዎች በስልክ ቁጥር 0977 23 23 23 መጠቀም የሚችሉ ሲሆን በተጨማሪም በኢሚይል አድራሻ begosewprize@gmail.com ወይንም በፖስታ ሳጥን ቁጥር 150035 ጥቆማ መስጠት አንደሚቻል አዘጋጆቹ ገልፀዋል።

በጎ ሰው ሽልማት ድርጅት እስከአሁን ከ160 ሰዎችን የሸለመ ሲሆን ሽልማቱ ካባ በመሰልበስ የምስጋና ሰርተክፌት የሚሰጥበት አመታዊ ፕሮግራም ነው።

Leave a Reply

Your email address will not be published. Required fields are marked *